Páginas vistas en total

domingo, 20 de agosto de 2017

ACTUALIDADE (fichaxes)

Se na nota anterior dabamos conta das ausencias para esta tempada, nesta, anunciamos os cambios e novidades que nos agardan.
Comezamos polo banco vermello, que sofre un cambio radical con respecto ó pasado.
O club, tentou de tódolos xeitos, sendo conscientes da prácticamente nula capacidade económica que obstenta, de atopar un inquilino capaz e convincente para o seu banco. Non o conseguiu , e grazas a iso, imos ter a sorte de poder contar cun tándem que goza da nosa total e absoluta confianza, Francisco Amoedo - Jonathan Navarro.
Fran, tras demostrar sobradamente no Campito F.S. as sua valía con duas tempadas magníficas, regresa ó seu fogar dentro do que lle permitan as suas obligacións laborais, por iso, contará coa inestimable axuda diaria de Jonas. Entre os dous, cun traballo consensuado, tratarán de levar a bo porto a nave vermella.
Completará o corpo técnico Adrián, que realizará as labores de segundo adestrador e asistente, e que xa fora complemento de Fran no seu anterior club.
Mon, como sempre, estará acarón do equipo, de delegado, e aportando toda a sua experiencia e bo facer en todo o necesario.
Corpo técnico de catro pilares ó que lle desaxamos a maior das sortes.
No que respecta ó plantel de xogadores, un  pouco mais do mesmo, varias dúbidas resoltas nalgún caso a última hora, pero que ó noso xuizo, nos permitirá afrontar con garantias unha durísima tempada.
Continuan de veremello, os tres capitáns, Bizza, Jose, e finalmente Luis. Tamén o farán, Jony, Jonas, Eloy, Borja, Breixo, Diego e Lito, estes dous últimos con matices. Diego continuará na disciplina vermella, pero de entrada sen ficha, debido a que mantén compromisos laborais o fin de semana.
Lito, segue a expensas de resolver o seu futuro, no que o aspecto laboral e a distancia da sua residencia a Pazos, tal vez pese demasiado para poder continuar como sería desexable.
Marcos F., baixa por decisión persoal, pero que por sorte continua traballando con nós, é unha vía que o club ainda non da por pechada.
Os xogadores en idade xuvenil, Guille, Aarón, Santi e o porteiro Martín, alternarán os adestramentos da sua categoría, cos do equipo senior, entrando a formar parte dende xa da dinámica do primer equipo.
En canto as fichaxes, estas son catro.
Carlos Dopacio (Kuka): Porteiro ex-Bembrive F.S. nas últimas tempadas, pero cunha dilatada traxectoria, incluso en categorías superiores. Coruxo F.S. ou Redondela F.S. por exemplo, gozaron das suas expléndidas prestacións baixo paus.
Pablo Calvo (Pablo): Ala-Peche ex-A.D.F.S. Bueu, o xogador vigués, chega a Pazos para seguir co seu crecemento deportivo, no que xa amosou entrega, calidade e sobretodo unha gran competitividade.
Alexis Rodriguez (Alexis): Ala ex A.D.F.S. Bueu, e anteriormente I.E.S. Coruxo F.S..
Xogador completísimo, cun 1x1 demoledor, exquisita técnica individual, sacrificio e pegada. Estas, entre outras, fan del un xogador chamado a ser moi  importante este ano.
Sergio Vidal (Vidal): Ala ex Redondela F.S., zurdo, de calidade, e cun marxe de mellora moi amplo. Aposta persoal de Fran, no que ten depositadas moitas esperanzas.
Agradecer de antemán o esforzo realizado para formar parte desta familia, BENVIDOS E MOITA SORTE RAPACES¡¡¡

ACTUALIDADE (baixas)

Logo dun verán algo convulso e cheo de incertidume ó redor do primer equipo, por fin, este, votou a andar a semana pasada.
Houbo que traballar a contrarreloxo para poder confeccionar o plantel definitivo deste ano, tanto a nivel corpo técnico, como de xogadores, pero finalmente, e grazas ó esforzo de todos, compriuse o obxetivo.
Son moitas as novidades con respecto ó ano anterior, das cales daremos cumprida información, comezando polo apartado de baixas desta nota.
Ante todo, dar as GRAZAS ós seus cinco protagonistas, tanto polos seus éxitos deportivos, como polo seu compromiso e dedicación vestindo a camisola vermella.
O primeiro en decir adeus foi o adestrador.
Nesto, xa tiña acordado coa directiva que esta sería a sua última campaña, pondo fin así a un ciclo de tres.
A exixencia que require o banco vermello e o desgate que supón, é maiormente o motivo desta decisión.
O técnico deixa tras de sí, os anos mais exitosos a nivel títulos da historia do club.
Un insulso quinto posto no ano do seu debut na categoría, deu paso ó doblete, liga e copa, no segundo, e a outra liga no terceiro. A pesar da "decepción" que supuxeron as fases de ascenso á 2ª división B, evidentemente, mais non se pode pedir.
O seguinte en despedirse foi Esteban, cancerbeiro canteirán vermello.
Dende o comezo, xa advertira da sua intención de deixar o club ó remate da tempada, trala fase de ascenso, confirmouno, dando por concluido un periplo de dous anos.
Debaixo do brazo, duas ligas, unha copa, e un sinfin de paradas e puntos para os nosos intereses.
Torres, é a terceira baixa para este ano, logo de dous anos e medio no club.
O veterán xogador, sempre que llo permitiron os compromisos laborais e o físico, estivo aportando o seu gran, tanto a nivel deportivo como grupal.
Baixa consensuada co club, e tres títulos no seu zurrón.
Dani, o tercer porteiro do curso anterior, tamén deixa a disciplina vermella, cun título ligueiro, no que axudou en todo na medida en que lle foi posible.
Marcos F., sería en principio, a derradeira ausencia para este ano, case nada.
De confirmarse definitivamente, pois o interés de TODO o club e que continue un ano mais, e nesas andamos, non só nos deixaría un dos claros baluartes dos últimos dous anos, senon un referente en tódolos aspectos.
Con el, o equipo deu un salto cualitativo, convencéndonos incluso, de que era posible acadar campeonatos, como así o faríamos finalmente.
Calidade, experiencia, seriedade, entrega, sacrificio...esgótanse os calificativos, pero sobretodo, un compromiso e competitividade difícil de igualar.
A expensas de que poda xurdir algunha baixa mais, pois nalgún caso, os compromisos laborais non poñen as cousas sinxelas, estas, serían as ausencias para a tempada que comeza.
Novamente GRAZAS¡¡¡, esta sempre será a vosa casa.


jueves, 17 de agosto de 2017

viernes, 23 de junio de 2017

ACTUALIDADE

Éxito rotundo no I torneo base celebrado no pavillón municipal de Pazos de Borbén o fin de semana pasado. Dende o club, queremos dar as GRAZAS a todas aquelas persoas que o fixeron posible, Concello, patrocinadores, etc... e de xeito especial á tódolos participantes e aficioados.
Agardámosvos o próximo ano¡¡¡.


Noutro orden de cousas, o Concello de Pazos de Borbén, como xa fixera a tempada anterior. Quixo homenaxear ó noso club, e en concreto ó equipo senior, cunha recepción no salón de actos do concello, na que tanto o Alcalde, Sr. Andrés Iglesias, como o concelleiro de deportes, Sr. Francisco Amoedo, felicitaron ós nosos polos éxitos obtidos. Da sua man recibimos tamén, unhas insignias do pobo e uns diplomas acreditativos.
Moitísimas GRAZAS.

martes, 6 de junio de 2017

FIN DE TEMPADA

Unha vez rematadas tódalas competicións nas que nos vimos inmersos, é momento de facer balance e por nota a tempada 2016/17.
Dende o noso humilde punto de vista, poderíamos calificar a campaña cun NOTABLE.
O equipo estivo á altura nos dous torneos de Copa (Xunta e 3ª Div.) obtivo o título ligueiro e só patinou no play-off de ascenso. Comecemos polo principio.
A primeira competición á que nos enfrontamos, foi a fase de grupos da XXVI Copa Xunta de Galicia. No primeiro partido, visitamos a cancha do Leis Pontevedra F.S., onde arrincamos un valiosísimo empate a dous,  que nos permitía depender de nós mesmos para clasificarnos á seguinte rolda.
No segundo e definitivo, en Pazos, enfrontámonos ó campeón da autonómica sur, o Campito F.S.. Necesitabamos vencer por unha diferencia de seis goles, pero finalmente só lograríamos facelo por cinco. O 6-1 deixávanos fora, pero coa satisfacción de haber tido opcións ata o último segundo.
A segunda, e para o club a mais importante, foi a liga.
No campeonato da regularidade, o equipo, mentalizouse e votou o resto para lograr repetir o éxito do ano anterior, conseguiríao na derradeira xornada.
Reñidísima liga, na que se mantivo unha dura pugna tanto co Sala Ourense, coma coa A Estrada Futsal, terceiro e segundo clasificados ó final.
A destacar, as victorias nas difíciles pistas de Ribeira,  A Estrada, e Bueu, onde os vermellos ofreceron o seu mellor nivel.
Como lunares, o varapau sufrido en Vigo contra o A.B.C., e a derrota na casa contra o Bueu, nos probablemente dous peores partidos do ano.
A liga, coronounos como campeóns cuns números salientables, repartidos en vintecatro xornadas.
59 puntos, 19 victorias, 2 empates, e 3 derrotas, con 127 goles a favor (2º max. goleador) e 72 en contra (min. goleado).
A nosa portería con Esteban principalmente, Bizza, e Dani, conseguía por fin, ser a menos goleada, logo de rondalo en varias ocasións, mentras que no apartado realizador, Luis, quedaba na segunda posición da taboa con 31 goles.
Na III Copa de 3ª división, o equipo tamén ofreceu un bo nivel, ainda que non puido revalidar o trofeo.
Comezamos en xaneiro, coa desputa dos oitavos de final en Carballiño, ante o conxunto local, onde un gol de Lito no derradeiro minuto (3-4), nos metía en cuartos de final.
Nos cuartos, tal vez o peor rival posible, por dificultade, e por xogarse no seu inexpugnable feudo. Partido traballadísimo por parte de todos, e adiante a semifinais.
Na fase final disputada en Melide, enfrontámonos ó outro "coco" da terceira, o Sala Ourense. Logo dun apaixoante encontro que remataba con taboas no marcador (1-1). Os lanzamentos de penalti enviábannos a Pazos de valeiro.
Por último o "fracaso" do ano, o play off de ascenso.
O Sorteo deparábanos un ilusionante viaxe a Madrid, onde teríamos como rival a un ex-primeira, o CDE Ciudad de Móstoles F.S..
No encontro de ida, deixamos fuxir nos minutos finais a posibilidade de traer para Pazos un resultado mais esperanzador (5-3). No encontro de volta, eles simplemente foron mellores, 5-6.
Así resúmese a groso modo o que foi esta campaña, sobre a próxima, en plena planificación, iremos informando según se vaian confirmando cousas.
A primeira intención, era tentar manter a totalidade do plantel, pero semella que en varios casos non será posible, e tras dous anos expectaculares, a veteranía do plantel, tamén invita a un cambio de ciclo.
Recordar que "o Pazos", salvo raras excepcións, sempre se carecterizou por ser un club de presente, e mentres as nosas bases, que hoxe gozan de boa saude, non den os seus froitos, tocará seguir nesa liña.
AGRADECER a TODA a xente que fai posible que este club continue dando guerra, en especial ó CONCELLO, PATROCINADORES e SOCIOS, e como non ó resto de AFICIOADO/AS VERMELLOS.
O logro deste ano, e ver mais vivo que nunca o noso deporte, o FÚTBOL
SALA. Para o próximo, mais, e ogalla mellor¡¡¡.




domingo, 28 de mayo de 2017

S.D. PAZOS Fútbol Sala 5 - 6 CDE CIUDAD DE MÓSTOLES FÚTBOL SALA

Por segunda tempada consecutiva, a S.D. Pazos quedouse ás portas do ascenso a 2ª división B, esta vez, evitouno un fantástico Ciudad de Móstoles.
Os madrileños, mostraron unha solidez envexable, manexando con solvencia prácticamente tódalas facetas do xogo. Físicos, con calidade,  disciplinados tácticamente..., e sobre todo, cun aplomo impropio da xuventude do seu plantel.
Co factor sorte tamén ó seu carón en momentos puntuais, non queda outra que recoñecer a sua superioridade no computo global da eliminatoria.
Felicitalos polo merecido ascenso, e desexarlle moita sorte no futuro, co demostrado estes días, nin sequera a necesitarán moito, NORABOA¡.
En canto ó partido, os nosos, sairon coa intención de non volverse tolos en busca da remontada, peros ós dous minutos, o plantexamento caía por terra.
Revivimos pantasmas pasados, e nunha desafortunadísima acción o marcador xa se puña na nosa contra.
Encaixamos o golpe como puidemos , e ainda que tentamos ir arriba, eles superaban a nosa liña de presión cunha facilidade pasmosa. Para mais inri, un erro defensivo nunha contra, desembocaría no 0-2, complicando todavía mais as cousas.
Por orgullo e garra non ia ser, e seguimos tentandoo a pesar de que o xogo non era o mellor.
A falta de cinco minutos para o descanso, un pase de Jony, aprobeitaríao Luis, para marcar e meternos de cheo no encontro.
Sería un espellismo, xa que nos intres finais, unha xogada rodeada de polémica, concedíalle maior ventaxa ós visitantes.
Quedaba para o segundo tempo buscar o "machadón", pero pouco duraría a ilusión.
Primer minuto, mala toma de decisións, 1-4, e a 2ª B que fuxía irremediablemente de Pazos.
O choque íase esbaecendo, e con dez minutos por xogarse, Nesto, opta por tentar avivalo introducindo a figura do porteiro-xogador.
Por ahí atopamos algo de endebleza nos madrileños, e fomos recortando ventaxa ata o definitivo 5-6. Sen tempo para mais, os azuis, convertíanse en novo equipo de 2ª B.
Quédanos a espiña de ver como respiraban se houbesemos sido quen nalgún momento da contenda, de igualar, ou comprimir a eliminatoria, pero iso xa nunca o saberemos, nin aporta absolutamente nada.
O MELLOR: sen dúbida "ANFIELD", esgótanse os calificativos para definir o estado que presentaba o noso pavillon. Repleto, tinguido de vermello, e cunha afición entregada pero respetuosa co rival. Que decir das nosas bases, tan participativas e metidas no partido como os actores principais. Dar GRAZAS de corazón a TODOS/AS polo apoio, non hai mellor premio para o noso club que iso.
O PEOR: Non poder devolverlle á afición algo de todo o recibido, pero o deporte ten estas cousas. O rival tamén xoga, e sen que sirva de consolo, a lo menos neste caso faino moi ben.

S.D. PAZOS Fútbol Sala: Bizza - Marcos F. - Jonas - Lito(1) e Jony(2); Esteban, José, Eloy(1), Breixo, Luis(1), Diego e Borja.
CDE CIUDAD DE MÓSTOLES FÚTBOL SALA: Josemi - Antonio(1) - Jorge - Miguel(1) e Raúl(1); Adrián, Carlos L., Javier(1), Andrés, Carlos M.(2), Carlos G. e Marcos.

GOLES:

  • 0-1 (min.2) Disparo sen aparente perigo que se envenena tras bater en Jonas colándose entre as pernas de Bizza.
  • 0-2 (min.14) Balón ó segundo pau que remacha Antonio tras gañarlle as costas a Diego.
  • 1-2 (min.16) Luis recibe de Jony na frontal, quebra ó seu par, e marca de tiro cruzado.
  • 1-3 (min.18) Bola que lle rouban a Marcos F. de último home nunha mais que posible falta, e gol de Carlos M. que bate a Bizza no man a man.
  • 1-4 (min.21) Saque rápido de Bizza sobre Lito que perde en media pista, contragolpe ante unha feble defensa, e finalización por baixo.
  • 2-4 (min.33) Chut exterior de Luis que queda morto na área pequena logo de dar na man dun contrario, e Lito aprobeitao para metelo na rede.
  • 2-5 (min.35) Contragolpe tras varios rebotes, e un para un con Bizza de Carlos M. que volve a gañar a partida.
  • 3-5 (min.37) Tiro exterior de Eloy en xogo de cinco que pega en Jony e se vai adentro.
  • 3-6 (min.39) Disparo exterior raso que se "come" Bizza mal colocado.
  • 4-6 (min.39) Perfecta elaboración en xogo de cinco, asiste Borja, empurra Jony.
  • 5-6 (min.39) Bo tiro raso exterior de Eloy exercendo de porteiro-xogador.
*Nos próximos días, faremos un resumo do que foi a recén rematada tempada 2016/17.